ພາກວິຊາ

ພະແນກຄົ້ນຄວ້າວິທະຍາສາດ

ສິ​ດ ​ແລະໜ້າ​ທີ່ ພະ​ແນ​ກຄົ້ນ​ຄ້ວາວິທະຍາສາດຄະນະ​ອັກສອນສາດ:

  1. ປະຕິບັດ​ຕາມ​ແຜນ​ຍຸດ​ທະ​ສາດລວມ ​ແລະ​ນະ​ໂຍບາຍ​ຕ່າງ​ໆ​ຂອງ​ຂັ້ນ​ເທິງ​ກ່ຽວ​ກັບ​ວຽກ​ງານ​ຄົ້ນ​ຄ້ວາ​ວິທະຍາສາດ.
  2. ຮັບຜິດຊອບ​ລວມທັງ​ໝົດ​ກ່ຽວ​ກັບ​ວຽກ​ງານ​ການ​ຄົ້ນ​ຄ້ວາວິທະຍາສາດ ພາຍ​​ໃນ​ຄະນະ ພາຍ​ໃຕ້ການ​ຊີ້​ນໍາ​ຂອງ​ຄະນະບໍດີ​.
  3. ຕອບ​ສະໜອງ​ວຽກງານ​ຄົ້ນ​ຄ້ວາ​ໃຫ້​ ພະນັກງານ​ຫ້ອງການ, ຄູ-ອາຈານ ​ແລະນັກ​ສຶກສາ ​ໃນ​ການຈັດ​ຕັ້ງ​ປະຕິບັດ​ແຜນ​ຍຸດ​ທະ​ສາດ​ໃນ​ການ​ຄຸ້ມ​ຄອງ ​ແລະ​ພັດທະນາ​ແຜນ​ວຽກ​ງານ​ຄົ້ນ​ຄ້ວາ​ຢ່າງ​ມີ​ຄຸນະພາບ.
  4. ປ​ະສານ​ສົມ​ທົບ​ກັບ​ຫ້ອງ​ຄົ້ນ​ຄ້ວາ​ວິທະຍາສາດ ​ມະຫາວິທະຍາ​ໄລ​ແຫ່ງ​ຊາດ ​ໃນ​ການດຳ​ເນີນ​ວຽກ​ງານຕ່າງໆ​ກ່ຽວ​ກັບ​ວຽກ​ງານ​ການ​ຄົ້ນ​ຄ້ວາ​ວິທະຍາສາດ.
  5. ສ້າງ​ແຜນ​ກຳນົດ, ​ແຜນການ, ​ແລະ​ໂຄງການ​ຕ່າງໆ ​​​ກ່ຽວ​ກັບ​ວຽກ​ງານ​ການ​ຄົ້ນ​ຄ້ວາ​ໃນ​ແຕ່​ລະ​ສົກຮຽນ.
  6. ສົ່ງ​ເສີມ​​ ​ແລະຊອກ​ຫາ​ແຫຼ່ງທຶນ​ງົບປະມານ​ທັງ​ພາຍ​ໃນ ​ແລະ​ຕ່າງປະ​ເທດ​ ເພື່ອ​ສະໜັບສະໜູນ​ວຽກ​ງານ​ການ​ຄົ້ນ​ຄ້ວາ​ໃຫ້​ແກ່​ຄູ-​ອາຈານ ພາຍ​ໃນ​ ຄອສ.
  7. ຄົ້ນ​ຄ້ວາ, ກວດກາ, ​ແລະສັງ​ລວມ ບັນ​ດາ​ລາຍ​ຊື່​ ນັກຄົ້ນຄ້ວາ ພ້ອມ​ດ້ວຍຜົນງານ​ທາງ​ດ້ານ​ວິຊາ​ການ ​ເພື່ອ​ນຳ​ສະ​ເໜີ​ຕໍ່​ຂັ້ນ​ເທິງ ​​​ເພື່ອພິຈາລະນາ​ໃນ​ການ​ເລື່ອນ​ຕຳ​ແໜ່​ງວິຊາ​ການ.
  8. ຂຶ້ນ​ແຜນ​ງົບປະມານຕ່າງໆ​​ໃນ​ການຈັດ​ຕັ້ງ​ກອງ​ປະຊຸມ​ສຳ​ມະ​ນາ​ເຜີຍ​ແຜ່ວຽກ​ງານ​ຄົ້ນ​ຄ້ວາ​ວິທະຍາສາດ​ໃນ​ແຕ່​ລະ​ສົກຮຽນ.
  9. ຈັດ​ຕັ້ງ​ກ​ອງປະຊຸມ​ລາຍ​ງານຜົນ​​ການ​ຄົ້ນ​ຄ້ວາ​ວິທະຍາ​ສາດຂອງ​ຄູ​-ອາຈານປະຈຳ​ແຕ່​ລະ​ສົກຮຽນ.
  10. ສະ​ເໜີ​ການ​ຍ້ອງຍໍ​ຊົມ​ເຊີຍໃຫ້​ແກ່​ຄູ-ອາຈານ​ຜູ້​ທີ່ຜົນງານ​ ແລະ​ປະສົບ​ການ​ດ້ານ​ວຽກ​ງານ​ຄົ້ນ​ຄ້ວາ​ ແລະ​ວິຊາ​ການ.
  11. ສ້າງ​ເຄື່ອຄ່າ​ຍກັບ​ພາກ​ສ່ວນ​ຕ່າງໆ​ເພື່ອ​ເຂົ້າ​ຮ່ວມ​ ແລະ​ແລກປ່ຽນ​ປະສົບ​ການ​ດ້ານ​ວຽກ​ງານ​ຄົ້ນ​ຄ້ວາວິທະຍາສາດ.
  12. ເກັບ​ກຳ​ ແລະ​ຮີບ​​ໂຮມ​ເອົາ​ບັນດາ​ຜົນງານ​ການ​ຄົ້ນ​ຄ້ວາ-ວິ​ໄຈ​ຂອງຄູ-ອາຈານ ​​ເພື່ອ​ຈັດ​ຕັ້ງ​ຕີ​ພີ​ມ​ເຜີຍ​ແຜ່​ລົງ​ໃນ​ປຶ້ມວາລະສານ​ວຽກ​ງານ​ການ​ຄົ້ນ​ວິທະຍາສາດ ຂອງຄະນະ​ອັກສອນສາດ ​​ແລະ​ ມະ​ຫາ​ວິທະຍາ​ໄລ​ແຫ່ງ​ຊາດ.
  13. ຈັດ​ຕັ້ງ​ເຜີຍ​ແຜ່​ຂໍ້​ກຳນົດ, ລະບຽບ​ຫຼັກການ​ຕ່າງໆ ​ແລະນະ​ໂຍບາຍ​ວຽກ​ງານ​ຄົ້ນ​ຄ້ວາ​ໃຫ້​ແກ່​ນັກ​ຄົ້ນ​ຄ້ວາ.
  14. ຂຶ້ນ​ແຜນ​ໃຫ້​ພະນັກງານ​ຫ້ອງການ, ຄູ​-ອາຈານ ​ແລະນັກ​ສຶກສາ​ໄດ້​ມີ​ໂອກາດ​ໃນ​ການ​ເຂົ້າ​ຮ່ວມ​ກອງ​ປະຊຸມ​ສຳ​ມະ​ນາ​ຕ່າງໆ​ກ່ຽວ​ກັບ​ວຽກ​ງານ​ຄົ້ນ​ຄ້ວາ​ທັງ​ພາຍ​ໃນ ​ແລະ​ຕ່າງປະ​ເທດ.
  15. ຊີ້​ນຳ​ນຳພາ​ພະນັກງານ​ຄູ-ອາຈານ​ໃຫ້​ມີ​ການ​ຄົ້ນ​ຄ້ວາ, ​ເຂົ້າ​ຮ່ວມ​ກິດຈະກຳ​ ​ແລະການ​ເຄື່ອນ​ໄຫວ​ຢ່າງ​ຕັ້ງໜ້າ​ໃນວຽກ​ງານ​ຄົ້ນ​ຄ້ວາ​ ເພື່ອ​ຮັບ​ໃຊ້​ເຂົ້າ​ໃນ​ການຮຽນ-ການ​ສອນ.
  16. ສະຫຼູ​ບ, ສັງ​ລວມ ​ແລະລາຍ​ງານການປະ​ເມີນ​ຜົນການ​ປະຕິບັດ​ວຽກ​ງານ​ໂຄງການ​ຄົ້ນ​ຄ້ວາ ​ໃນ​ແຕ່​ລະ​​ເດືອນ ​ແລະແຕ່ລະ ສົກຮຽນ ​ໃຫ້​​ແກ່ທ່ານຄະນະບໍດີ.
  17. ປະຕິ​ບັດ​ວຽກ​ງານ​ອື່ນໆ​ຕາມ​ການ​ມ​ອບໝາຍ​ຂອງ​ມະຫາວິທະຍາ​ໄລ​ແຫ່ງ​ຊາດ ພາຍ​ໃຕ້ການ​ຊີ້​ນໍາ​ຂອງຄະນະບໍດີ.